Departamenti amerikan
i Drejtësisë dhe Zyra Federale e Hetimit #FBI bllokuan 4 faqe interneti, në vijim të zbatimit të një vendimi gjykate, si pjesë e përpjekjeve për të goditur hakerat dhe skemat represive ndërkombëtare të drejtuara nga Ministria e Sigurisë dhe Inteligjencës së Republikës Islamike të Iranit
, #MOIS.
Domain-et e bllokuar janë Justicehomeland[.]org, i përfshirë në sulmin ndaj qeverisë shqiptare
në vitin 2022, si dhe Handala-Hack[.]to, Karmabelow80[.]org dhe Handala-Redwanted[.]to.
Këto faqe interneti janë përdorur nga MOIS për të udhëhequr operacione psikologjike, duke synuar kundërshtarët e regjimit dhe duke marrë lavdi për sulmet e bëra, nëpërmjet postimit online të të dhënave të ndjeshme të vjedhura.
Gjithashtu këto faqe janë përdorur për të bërë thirrje për vrasjen e gazetarëve, izraelitëve dhe kundërshtarëve të regjimit, si në rastin e #MEK-ut në Shqipëri.
“Shpërndarja e ideologjisë terroriste në hapësirën kibernetike është një kërcënim i drejtpërdrejtë për sigurinë tonë kombëtare. Zyra e Prokurorit të SHBA-së është e përkushtuar të bashkëpunojë me partnerët tanë të zbatimit të ligjit për të identifikuar kërcënimet, për t’i çaktivizuar dhe për t’i ndëshkuar autorët e tyre”, tha Kelly O. Hayes, prokurore e SHBA-së për Distriktin e Merillendit.
Leave a Reply