Një llogari në platformën X me emrin “Mossad Farsi” po shkakton jo pak turbullirë dhe konfuzion si një fushëbetejë e re mes shërbimeve inteligjente izraelite
dhe Iranit
Vetëm të premten, në këtë llogari u postuan një seri numrash misteriozë “12.102.290.590.652”, krejt të pakuptimtë në dukje, por që morën rreth 2 milionë shikime për 24 orë.
Llogaria u hap në gjuhën farsi (persisht – gjuha zyrtare në #Iran) në platformën #X më 26 qershor 2025, vetëm 24 orë pas përfundimit të së ashtuquajturës “Lufta e 12 ditëve” dhe synonte t’u ofronte mbështetje mjekësore në distancë qytetarëve të Iranit. Qytetarëve ju këshillohej të përdornin VPN për të kontaktuar llogarinë në X për nevojat mjekësore që kishin, ndërsa nënvizohej se regjimi i ajatollahëve kujdesej vetëm për liderët dhe jo për popullin.
Të paktën kjo deklarohej në mesazhin hyrës, por llogaria në platformën e medias sociale duket se po shërben, si për të marrë informacione nga iranianët antiregjim, ashtu edhe për operacione çorientuese dhe frikësuese, duke synuar rritjen e konfuzionit brenda Iranit. Duke përdorur ironinë dhe mesazhet e koduara, llogaria pretendon, herë pas here, edhe se po zbulon informacione të klasifikuara.
I tillë ishte rasti i zbulimit të emrit të njërit prej komandantëve të rinj ushtarakë të Iranit. Pas ekzekutimit të shumë prej krerëve të Gardës Revolucionare dhe pasardhësve të tyre në detyrë, #Teherani vendosi të mos i publikojë emrat e gjeneralëve të rinj për të evituar që ata të bëheshin objektiv i sulmeve të #Mossad. Por një konkurs/garë në llogarinë “Mossad Farsi” nxorri emrin e gjeneralit, ndërsa në një postim tjetër thuhej se komandanti i Forcave #Quds, i famshmi Esmail Qaani, “nuk është agjent i yni (Mosadit)”
