Lufta kundër Iranit dhe reagimi i regjimit të ajatollahëve në #Teheran ka risjellë në skenë në Izrael propozimin e çuditshëm të disa viteve më parë për blerjen e disa ishujve grekë , që mund të përdoren si vende të sigurta për hebrenjtë. Ndonëse jo një propozim apo diskutim zyrtar, ideja e lidhur me sigurinë dhe funksionimin e Shtetit të Izraelit është hedhur dhe mbështetur nga ish-zyrtarë të qeverisë dhe parashikon blerjen nga #Greqia të ishujve të pabanuar, nëpërmjet Fondit Kombëtar Hebre.
I themeluar në vitin 1901, ky Fond prej vitit 1948 ka siguruar që rreth 800 mijë rezidentë të rinj të vendosen në #Izrael, duke krijuar kushtet për jetesë, nëpërmjet ndërtimit të shkollave, qendrave mjekësore, parqeve, bunkerëve e rezervave ujore dhe në mënyrë simbolike e jo vetēm, mbjelljen e rreth 260 milionë pemëve.
Propozuesit e idesë kanë vlerësuar si anë pozitive se Greqia ka në #Mesdhe mbi 100 ishuj të vegjël të pabanuar, ndërsa #Athina në 2 dekadat e fundit ndodhet në vështirësi financiare. Megjithatë, vetë pala greke shfaqet më e prirur për një huazim afatgjatë të ishujve për Shtetin e Izraelit, nëse ideja do të avancojë.
Shtypi izraelit dhe ekspertë të ndryshëm pranojnë se roli kundërshtues i Turqisë mund të jetë përcaktues në një projekt të tillë.
Leave a Reply