Shtetet e Bashkuara vendosën të heqin përcaktimin si Organizatë e Huaj Terroriste për ish-Frontin Al-Nusrah, që tashmë qeveris në Siri.
Në zbatim të premtimit të Presidentit Trump për heqjen e sanksioneve ndaj Damaskut, sekretari i Shtetit, Marko Rubio firmosi nxjerrjen nga “lista e zezë” prej datës 8 korrik 2025 për organizatën “Hay’at Tahrir al-Sham”, ndërsa Uashingtoni po përpiqet të nxisë masa për rindërtimin e Sirisë, pas vitesh lufte civile.
Në dhjetor 2024, islamistët suni të ish-Frontit Al-Nusrah larguan nga pushteti në Siri ish-presidentin Bashar al-Assad, me një ofensivë të shpejtë, me mbështetjen e Turqisë.
Lideri i “Hay’at Tahrir al-Sham”, Ahmed al-Sharaa, u bë President i Sirisë, duke premtuar ndërtimin e një vendi demokratik dhe gjithëpërfshirës.
