OKB kundërshton përshkallëzimin e luftës në Gazë

Kombet e Bashkuara thanë se kundërshtojnë zgjerimin e ofensivës izraelite në Rripin e Gazës. “Ne qëndrojmë fort kundër çdo përshkallëzimi të konfliktit. Situata është jashtëzakonisht shkatërruese”, tha zëdhënësi i OKB-së, Farhan Haq në Nju-Jork.

Haq shtoi se konflikti kishte shkaktuar më shumë se 60 000 viktima gjatë dy viteve luftimesh.

“Kërcënimi për vuajtje të mëdha humanitare, përfshirë urinë në shkallë të gjerë, është real dhe mund të përkeqësohet nëse lufta intensifikohet më tej”, paralajmëroi ai.

Deklarata e OKB-së erdhi në të njëjtën kohë kur Kabineti i Sigurisë së Izraelit u mblodh  për të diskutuar hapat e ardhshëm në luftën në Gaza.