Viktima dhe të zhdukur pas një shpërthimi masiv në Tenesi

Një shpërthim masiv në një strukturë ushtarake eksplozivësh në TenesI ka lënë disa të vdekur dhe të tjerë të zhdukur, thanë zyrtarët.

”Të paktën 19 persona janë të zhdukur pas shpërthimit”, sipas një degë lokale të CBS News, me familjet që presin të dëgjojnë lajme për të afërmit e tyre.

Video ajrore nga vendi i ngjarjes në Bucksnort, në jugperëndim të Nashville, tregon mbeturina të djegura, automjete që digjen dhe pak mbetje të objektit.

Shpërthimi pak para orës 08:00, sipas orës lokale, u dëgjua nga kilometra larg, përfshirë edhe në qarqet fqinje.

Ka një reagim të madh emergjent në vendngjarje, me një ndihmës të parë që i tha Associated Press se fillimisht nuk mund të hynin në vend për shkak të shpërthimeve të vazhdueshme.

Fabrika i përket kompanisë ”Accurate Energetic Systems”, e cila specializohet në zhvillimin, prodhimin, trajtimin dhe ruajtjen e eksplozivëve.