Departamenti i Shtetit këshillon amerikanët për kujdes të shtuar

Ambasada Amerikane në Tiranë njoftoi se Departamenti i Shtetit ka këshilluar amerikanët në mbarë botën të tregojnë kujdes të shtuar.

“Pas nisjes së operacioneve luftarake të Shteteve të Bashkuara në Iran, amerikanët në mbarë botën dhe veçanërisht në Lindjen e Mesme duhet të ndjekin udhëzimet në njoftimet e fundit të sigurisë të lëshuara nga ambasada ose konsullata më e afërt e Shteteve të Bashkuara. Ata mund të përjetojnë ndërprerje të udhëtimeve për shkak të mbylljeve periodike të hapësirës ajrore”, thuhet në njoftimin e Departamentit të Shtetit.