SHBA arreston mbesën e ish-kreut të IRGC, Kasem Solejmani

Departamenti amerikan i Shtetit, me një vendim të sekretarit Marko Rubio, i hoqi të drejtën e qëndrimit në Shtetet e Bashkuara dhe agjencitë ligjzbatuese arrestuan mbrëmjen e djeshme mbesën dhe stërmbesën e gjeneral-majorit të ekzekutuar të Trupave të Rojes Revolucionare Islamike #IRGC të Iranit, Kasem Solejmani (Qasem Soleimani).

Hamideh Soleimani Afshar dhe vajza e saj ndodhen tashmë në kujdesin e #ICE-s, Agjencisë së Migracionit dhe Doganave, në pritje të largimit nga Shtetet e Bashkuara.

Ndonëse ndodhej në Los Anxhelos me një “kartë të gjelbërt”, mbesa e ish-kreut të IRGC-së, vrarë nga një bombardim amerikan në Bagdad vite më parë me urdhër të presidentit #Trump, akuzohet se nxiste sulmet kundër trupave dhe bazave të SHBA-së në Lindjen e Mesme.

Gjithashtu, sekretari #Rubio anuloi statusin ligjor të qëndrimit në SHBA për Fatemeh Ardeshir-Larijani, vajza e ish-sekretarit të Këshillit Suprem të Sigurisë Kombëtare, i vrarë disa ditë më parë nga bombardimet amerikano-izraelite në #Teheran. Ajo dhe bashkëshorti i saj, Seyed Kalantar Motamedi janë larguar tashmë nga SHBA dhe u është ndaluar rihyrja në territorin amerikan.