Kryeministri izraelit Benjamin Netanjahu tha se “misioni” i Izraelit kundër Hezbollahut në Liban nuk ka përfunduar, pavarësisht një armëpushimi që hyri në fuqi më herët gjatë ditës. “Ka gjëra që planifikojmë të bëjmë lidhur me kërcënimin e mbetur të raketave dhe kërcënimin e dronëve, të cilat nuk do t’i detajoj”, tha Netanyahu në një deklaratë të transmetuar në televizion.
Duke adresuar kritikat e brendshme për rezultatin në frontin verior, Netanjahu tha se Izraeli ka arritur “suksese të jashtëzakonshme”.
“Për herë të parë, kemi vendosur një zonë të gjerë sigurie përgjatë gjithë kufirit verior”, tha ai, duke shtuar se zona shtrihet nga Libani përmes Lartësive të Golanit deri në malin Hermon (Xhebel al-Sheikh) dhe zonën e Jarmukut në Sirinë jugore.
Ai tha se kjo zonë tampon, të cilën ai e quajti “Linja e Verdhë”, synon të eliminojë kërcënimin e depërtimit të drejtpërdrejtë dhe zjarrit nga tanket, duke vënë në dukje se forcat izraelite janë të dislokuara përgjatë kësaj vije për t’u përballur me çdo kërcënim të menjëhershëm.
Netanjahu gjithashtu tha se armëpushimi u arrit me kërkesë të presidentit amerikan Donald Trump.
Leave a Reply