Incidenti me armë zjarri ku po zhvillohej Darka e Korrespondentëve të Shtëpisë së Bardhë, ndodhi në hotelin “Washington Hilton” në Connecticut Avenue – i njëjti vend ku Ronald Regan u qëllua dhe u plagos në vitin 1981. Ngjarja ndodhi më 30 mars 1981, kur autori John Hinckley Jr. hapi zjarr ndaj Reganit, ndërsa ai po shkonte drejt limuzinës së tij pas një fjalimi brenda hotelit.
Regan mbijetoi, por u plagos nga një plumb që u përplas fillimisht në një pjesë të limuzinës presidenciale dhe më pas e goditi atë në trup, duke i thyer një brinjë dhe duke i shpuar mushkërinë. Ai u dërgua me urgjencë në Spitalin Universitar “George Washington” dhe u largua prej aty më 11 prill.
Në të njëjtin incident u plagosën edhe zëdhënësi i Shtëpisë së Bardhë James Brady, një agjent i Shërbimit Sekret dhe një polic lokal. Brady pësoi dëmtime të rënda në tru dhe mbeti i paralizuar për pjesën tjetër të jetës.
Gjithashtu, komplikacionet nga plagët kontribuan në vdekjen e tij në vitin 2014.
Një vit më vonë, Hinckley u shpall i pafajshëm për shkak të çrregullimeve mendore dhe u shtrua në një repart sigurie të lartë në Spitalin St. Elizabeths, ku qëndroi deri në largimin e tij në vitin 2016.
Sot, një pllakë përkujtimore në hotel shënon vendin ku ndodhi atentati.
Leave a Reply