Ukraina ka rikuperuar miliona në para’ të sekuestruara nga Hungaria, tha presidenti ukrainas, Volodimir Zelenski, duke e quajtur këtë veprim “një hap të rëndësishëm” në marrëdhëniet midis dy vendeve. Duke shkruar në mediat sociale, Zelensky tha se fondet ishin kthyer pasi u “sekuestruan nga shërbimet speciale hungareze” në fillim të këtij viti.
Në fillim të marsit, forcat hungareze ndaluan një transport rutinë parash që udhëtonte midis Austrisë dhe Ukrainës në territorin hungarez.
Ata konfiskuan 40 milionë dollarë, 35 milionë euro në para të thata dhe 9,0 kilogramë ar. Fondet ishin të destinuara për ”Oschadbank”.
Zyrtarët hungarezë e kishin përshkruar rastin si dyshim për pastrim parash, por nuk paraqitën prova për të mbështetur pretendimin.
Leave a Reply