Ministri gjerman i Mbrojtjes, Boris Pistorius, sheh shenja të një pike kthese në betejën mbrojtëse të Ukrainës kundër Rusisë. Në të njëjtën kohë, pas një vizite në postet komanduese ukrainase në pjesën lindore të vendit, ai e bëri të qartë se ”synon të nxjerrë përfundime të mëtejshme për Bundeswehr-in nga përvoja e Ukrainës në përdorimin luftarak të sistemeve të armëve pa pilot”.
“Unë besoj se ukrainasit janë me të vërtetë në një moment të favorshëm. Rusia po përjeton një periudhë dobësie, si ekonomikisht ashtu edhe brenda vendit, si dhe në fushën e betejës”, tha Pistorius, i cili vizitoi rajonet Zaporizhzhia dhe Dnipro.
Ai shtoi se ”ukrainasit po bëjnë përparim të jashtëzakonshëm”.
Leave a Reply