Kryeministri izraelit Benjamin Netanjahu deklaroi se pavarësisht armëpushimit, Izraeli ka rritur në 60 për qind kontrollin mbi territorin e pushtuar të Rripit të Gazës. Sipas lajmit të gazetës “Haaretz”, Netanyahu gjatë një deklaratë në një shkollë fetare hebraike në Kudsin Perëndimor, bëri vlerësime lidhur me pushtimin në Gaza. Netanyahu tha se ushtria izraelite aktualisht mban nën pushtim 60 për qind të territorit të Rripit të Gazës.
Edhe pse ushtria izraelite u tërhoq nga disa zona pas marrëveshjes së armëpushimit me Hamasin, ajo vazhdoi të mbajë në pushtim 53 për qind të Gazës. Ushtria izraelite, e cila u tërhoq në zonën e përcaktuar si “vija e verdhë”, duhej të tërhiqej në zonën e quajtur “vija e kuqe” pas fazës së dytë të marrëveshjes së armëpushimit.
Deklarata e Netanyahut zbulon se Izraeli, në kundërshtim me marrëveshjen, ka zgjeruar pushtimin e tij në Gaza duke kaluar edhe “vijën e verdhë”.
Media izraelite raportoi në janar 2026 se “vija e verdhë” është zhvendosur drejt perëndimit. Ky zgjerim ka vazhduar në muajt e fundit, çdo herë duke shkelur më tej hapësirat e jetesës tashmë të kufizuara që kanë mbetur për palestinezët.
Leave a Reply