Udhëheqësit e lartë të Fatah-ut, fraksioni kryesor politik palestinez, u mblodhën dje në mbrëmje në konferencën e parë të madhe të partisë pas një dekade, ndërsa po zgjedhin organin më të lartë vendimmarrës të lëvizjes. Në këtë takim, presidenti palestinez, Mahmud Abaz, 90 vjeç, u rizgjodh në krye të Fatah-ut.
Abaz premtoi mbajtjen e zgjedhjeve presidenciale dhe parlamentare për herë të parë pas 20 vitesh, por pa dhënë një afat konkret. Ai tha se partia mbetej e përkushtuar ndaj reformave, në një kohë kur Autoriteti Palestinez (AP) përballet me presion nga SHBA-ja, BE-ja dhe vendet arabe për ndryshime politike dhe zgjedhje të reja.
Megjithatë, sondazhet tregojnë pakënaqësi të thellë mes palestinezëve: rreth 80% e qytetarëve duan dorëheqjen e Abazit, ndërsa shumë të tjerë kritikojnë korrupsionin, nepotizmin dhe bashkëpunimin e vazhdueshëm të sigurisë me Izraelin. Pakënaqësitë janë shtuar edhe për faktin se djali i madh i Abazit, Jaseri, kandidon për herë të parë për një post të lartë në parti, gjë qe ka ngritur akuza për favorizim familjar.
Leave a Reply