Mijëra njerëz dolën në protestë në sheshin e Madridit duke kërkuar dorëheqjen e kryeministrit socialist Pedro Sánchez, pas akuzave për korrupsion në rrethin e tij të afërt. Demonstruesit, shumë prej tyre me flamuj spanjollë dhe pankarta “Mjaft!”, marshuan nëpër qytet deri pranë Moncloa, rezidenca zyrtare e kryeministrit.
Protesta u organizua nga më shumë se 150 shoqata civile dhe u mbështet nga Partia Popullore (PP) dhe partia e ekstremit të djathtë Vox.
Organizatorët thanë se morën pjesë rreth 120.000 persona, ndërsa përfaqësuesi i qeverisë vlerësoi rreth 40.000. Në fund të marshit, një grup i vogël protestuesish u përpoq të afrohej te rezidenca, por u ndalua nga policia.
Leave a Reply