Meksikë, 2 agjentë të CIA-s humbin jetën në aksident pas aksionit antidrogë

Dy agjentë të Agjencisë Qendrore të Inteligjencës #CIA të Shteteve të Bashkuara kanë mbetur të vdekur në një aksident rrugor, bashkë me dy oficerë meksikanë, pas përfundimit të një operacioni kundër drogës në veri të Meksikës.

Gjashtë laboratorë të paligjshëm të prodhimit të kokainës u shkatërruan në Morelos, në rajonin verior #Chihuahua, ndërsa presidentja e vendit, Klaudia Shiumbaum tha se, ajo dhe kabineti i sigurisë nuk ishin në dijeni të aksionit kundër trafikantëve, duke kërkuar shpjegime për ngjarjen dhe humbjen e jetës së dy punonjësve të Ambasadës Amerikane.

Një prokuror lokal tha se hetimi kundër narkotrafikantëve kishte zgjatur disa muaj dhe mohoi më pas përfshirjen në operacion të amerikanëve që humbën jetën, duke thënë se ata ishin trajnues, të specializuar për dronët dhe teknika të tjera.