Gjermania do të dislokojë një bateri të mbrojtjes ajrore “Patriot” në Turqi në kuadër të një rotacioni forcash të NATO-s, duke zëvendësuar një njësi amerikane, njoftoi sot Ministria gjermane e Mbrojtjes. Sipas ministrisë, rreth 150 ushtarakë, aktualisht të vendosur në Husum në veri të Gjermanisë, do të dislokohen së bashku me një bateri” Patriot” në Turqi nga fundi i qershorit deri në shtator.
”Gjermania po merr më shumë përgjegjësi brenda NATO-s”, deklaroi ministri gjerman i Mbrojtjes Boris Pistorius. ”Puna e përbashkët e ushtarëve tanë me partnerët turq dhe amerikanë tregon besueshmërinë e bashkëpunimit tonë me aleatët”, shtoi ai.
Sistemi “Patriot” është një pajisje e lëvizshme e projektuar për të interceptuar raketa lundruese, raketa balistike dhe avionë.
Njësia amerikane ishte vendosur në Turqi për të forcuar mbrojtjen ajrore të vendit përballë sulmeve me raketa iraniane gjatë luftës së nisur në fund të shkurtit nga SHBA-ja dhe Izraeli kundër Teheranit.
Forcat e NATO-s në rajon kanë interceptuar të paktën tre herë raketa balistike iraniane që kërcënonin Turqinë.
Leave a Reply