Presidenti amerikan, Donald Trump, tha se nuk sheh më arsye për një samit me homologun kinez Xi Jinping këtë muaj, duke akuzuar Pekinin për praktika armiqësore tregtare dhe duke kërcënuar me tarifa “masive”.
“Po ndodhin disa gjëra shumë të çuditshme në Kinë! Po bëhen shumë armiqësorë”, shkroi Trump në një postim të gjatë në platformën “Truth Social”, ku kritikoi Pekinin për vendosjen e kontrolleve të eksportit mbi mineralet e rralla, përbërësit thelbësorë në teknologjinë moderne.
“Isha planifikuar të takoja presidentin Xi pas dy javësh, në APEC, në Korenë e Jugut, por tani duket se nuk ka më arsye për ta bërë këtë”, shtoi ai në postim, të ]
Sipas Trump, Kina i ka dërguar letra vendeve anembanë botës duke detajuar kontrollet e eksportit për “çdo element prodhimi që lidhet me mineralet e rralla dhe pothuajse çdo gjë tjetër që mund të mendojnë, edhe nëse nuk prodhohet në Kinë”.
“Nuk ka mënyrë që Kina të lejohet ta mbajë botën ‘peng’, por duket se ky ka qenë plani i tyre prej kohësh”, shkroi Trump, duke shtuar se Pekini kishte qenë “në pritje,” pavarësisht asaj që e përshkroi si gjashtë muaj marrëdhënie të mira dypalëshe.
Mineralet e rralla janë thelbësore për prodhimin e gjithçkaje, nga smartphonet dhe automjetet elektrike, deri te pajisjet ushtarake dhe teknologjitë e energjisë së rinovueshme. Kina dominon prodhimin dhe përpunimin global të këtyre materialeve.
“Një nga politikat që po shqyrtojmë aktualisht është një rritje masive e tarifave për produktet kineze që hyjnë në Shtetet e Bashkuara”, tha Trump, duke shtuar se po konsideron “edhe shumë masa të tjera kundërpërgjigjeje”.
Leave a Reply